GURIT TORSA BATAK, SASTRA NA MARHATA BATAK

HABASAON NI DEBATA

Tung so marna so do simanjojak on
Manjalahi santopik surgo na maharhar tu banu toru
Tung so marna loja do hadagingan on
Manigati hasudungan ni ula ni tangan Mi

Hu adu tu sada an
Marlange di tao Mi na bolak i
Malojong tu jolo an
manjangkiti dolok dolok na timbo
Jonjong ma au di si
Marsaringarma habasonMi di ate ateku

Tung mansai uli do portibion
Sahira marsomba manghatindanghon goarMi
Sai lam huarjangi paganjanghon Pat
Sai lam longang sipata mangida habasahonMi
Nian boi ma tarberenghu sude akka na niula ni tanganMi
Bicca so gabe tano dope daging on...



DONGAN MAGODANG

Solhot si tutu dope tarporam dibagas roha
Marmahan di jampalan na lomak di huta i
Mohop ni ari sahira manggorgori portibi
Mago sude dung marhonong dibondut tao

Dang mabiar birong margitong gitong bohi i
Pintor hita sarbing ma jagung nang gadong ni jolma i
Hita bakkar ma lao manjojobi butuha naung male
siala ni loja maringkoti di batangi hauma na rata

Marpadan do hita asa gabe jolma na hasea
Asa unang ditaon akka sihuminik hassit na di huta
Pintor mangaranto dungkon tammat sikkola
Mulak tu huta asa boi pamalum sihol ni roha

Nunga didia saonari dongan?
Diingot ho dope jamapalan parmahanan i?
Dingot ho dope gadong  nang suan suanan na rap hita takko i?
Boasa dang tarbege be baritam sian luat na dao i?

Asa rampak mangallang mie gomak na di sirpang i manian hita
Nang mandorguk tuak nang tambul na di huta bariba an.
Nga masihol au mambege rambasan ni gitar mi
Asa pintor hupalu lagu sada mardongan lagu tolumi

Nga magodang hita saonari
Ra nga dapotmu parsonduk boloni
Ra nunga mamora ho di luat i
Mulak ma jo ho
Asa hugoit jo pinggomi
Etak na marrara dope..
*dedicated to my childhood frenz


 TAO TOBA SI BORU NA ULI JALA TARHURUNG

Tio ni mual mi na tonang,
rappak dohot pangurdot sigale gale..
Sampuran mual na madabu tu appeanmi,
Mar dongan dolok dolok dolok mangembas..

suhi suhi ni ruma mandungdung langit,
margorga tar songon boru na uli,
ihuti gondang namarsaringar,
mambola hahohomon di huta na manginsuhuti

las sornop hon ma daging tu aek rangat,
na malujjak lujak sian pat ni pusuk buhit i,
huta hatubuan ni Ompu i,
jongjong i tarupna marnida haulionmi

Ditambul muse dohot hauma martaga hambing,
nang horbo manggagat duhut duhut na bolak,
marsada tu alogo mangullushon arsak,
paentehon mataniari lonong tu bagasmu

Solu ni partoa na mambola bius
manggurmiti dila mandai pora pora
i sampur ma i siak ni sambal tuktuk jahir bakkar i,
pasaboshon naniura mangampiri tu pamangan

sahalsip kopi i mandongani mataniari binsar,
dohot lampet na mohop pasabashon manogoti,
aha be nahurang hasian,
honama surgo na madabu tu portibion..

Danau toba,
molo pe nga tung loja hamu mangombak hauma i,
manakkap dekke na di tao i,
holan ekkel suping dohot sisean mi tu akka Turis i,
nga boi pasikkolahon akka gelleng mi..

*dedicated to Danau Toba dan daerah sekitarnya..
*maaf jika bahasa bataknya masih marsamburetan :p